«Առողջ Հայաստան» հիմնադրամը, Տավուշի մարզպետարանի և առողջապահության նախարարության հետ համատեղ, կլրացնի Տավուշի մարզի համայնքներում առաջնային բուժօգնության ծառայությունների մատուցման պակասը:
 

Ծրագիրը և դրա իրականացման վերաբերյալ հարցերը քննարկել են Տավուշի մարզպետ Հայկ Չոբանյանը, ոլորտի մարզային պատասխանատուները և «Առողջ Հայաստանի» հիմնադիրները:

«Առողջ Հայաստան» հիմնադրամը կապահովի ընտանեկան և նեղ մասնագետ բժիշկների երկարատև, շարունակական ներկայությունը Տավուշի մարզի գյուղական համայնքներում, որտեղ առկա է հիմնական բուժօգնության ծառայության մատուցման պակաս:
 

«Տավուշի մարզի յուրաքանչյուր բնակիչ պետք է ստանա իր պահանջները լիարժեք բավարարող բժշկական որակյալ ծառայություններ»,- ասել է Հայկ Չոբանյանը:
 

Տավուշի մարզից մեկնարկող այս ծրագրի միջոցով հնարավորություն կստեղծվի բարեփոխումներ կատարել՝ ապահովելով որակյալ բժշկական ծառայություններ մարզի յուրաքանչյուր բնակչի համար:

 

04 Փետրվար, 2021 08:48
150
; ;