Բաժանորդագրվեք araratnews-ի տելեգրամ ալիքին։
Կիրակի օրը Միչիգանում կայացած նախընտրական հանրահավաքի ժամանակ նախագահ Դոնալդ Թրամփը քննադատության է ենթարկել Նորվեգիային՝ կրկին դժգոհություն հայտնելով այն կապակցությամբ, որ ինքը չի ստացել Խաղաղության Նոբելյան մրցանակը։
Ֆրանսիայում վերջերս տեղի ունեցած անկարգությունները վերագրելով ներգաղթին՝ Թրամփն ասել է, որ կողջունի որոշ երկրներից ներգաղթյալներին, բայց ոչ Նորվեգիայից, քանի որ չի ստացել Նոբելյան մրցանակը․ «Այնպես որ, ես չեմ ուզում տեսնել որևէ մեկին Նորվեգիայից»։
Թրամփը, որը բազմիցս պնդել է, որ միջազգային դիվանագիտության ոլորտում իր ձեռքբերումները արժանի են այդ հեղինակավոր մրցանակին, խոսել է Նոբելյան մրցանակի մասին և կրկնել իր պնդումը, թե ինքը կարգավորել է մի շարք ռազմական հակամարտություններ։
«Ես ավարտել եմ ութ պատերազմ, ևս երկուսն էլ ընթացքի մեջ են։ Ես ասացի՝ Առաջին տիկի՛ն, երկու շաբաթից ես ստանալու եմ Նոբելյան մրցանակը. դա մեծ պատիվ կլինի։ Բայց այն տրվեց մի կնոջ, որի մասին ոչ ոք երբեք չէր լսել»,- հայտարարել է Թրամփը։
Թրամփը նկատի ուներ հարավաֆրիկացի դատավոր Նավի Պիլլային, որին այս ամսվա սկզբին շնորհվել էր Խաղաղության Նոբելյան մրցանակը։
«Ուստի, ես որոշեցի, որ ինձ դուր չի գալիս Նորվեգիան։ Անկեղծ ասած՝ Նորվեգիան աղբանոց երկիր է։ Ես ոչ մի առնչություն չեմ ուզում ունենալ Նորվեգիայի հետ»,- հավելել է Թրամփը։