Բաժանորդագրվեք araratnews-ի  տելեգրամ ալիքին։

ՀՀ ֆինանսների նախարար Վահե Հովհաննիսյանի անունով կեղծ օգտահաշիվներ են բացվել

Հարգելի՛ քաղաքացիներ,

Տեղեկացնում ենք, որ WhatsApp և Telegram հարթակներում ՀՀ ֆինանսների նախարար Վահե Հովհաննիսյանի անունով բացվել են կեղծ օգտահաշիվներ, որոնք նախարարի հետ որևէ առնչություն չունեն։

Այդ օգտահաշիվներից հաղորդագրություններ կամ զանգեր ստանալու դեպքում խնդրում ենք՝

 Չպատասխանել զանգերին և հաղորդագրություններին։

 Չանցնել ուղարկված հղումներով և չբացել կցված ֆայլերը։

 Չտրամադրել անձնական կամ ֆինանսական տվյալներ, գաղտնաբառեր և հաստատման կոդեր։

 Չկատարել դրամական փոխանցումներ կամ հաղորդագրություններում ներկայացված այլ պահանջներ։

 Անհրաժեշտության դեպքում արգելափակել օգտահաշիվը (Block) և բողոքարկել՝ նշելով որպես խարդախություն կամ սպամ (Report)։

Խնդրում ենք լինել զգոն և չտարածել այդ օգտահաշիվներից ստացված հաղորդագրությունները։