Բաժանորդագրվեք araratnews-ի  տելեգրամ ալիքին։

Ինչպե՞ս ճիշտ լուսանկարվել․ ժպիտի ազդեցությունը կենսաչափական լուսանկարի վրա

Հարգելի՛ քաղաքացիներ,

շարունակում ենք մեր իրազեկման շարքը, որի շրջանակում ներկայացնում ենք կենսաչափական տվյալներին և նոր կենսաչափական անձնագրերին վերաբերող հետաքրքիր տեղեկություններ։

Այսպիսով, ներկայացնենք, թե ինչու անձնագրի և նույնականացման քարտի համար լուսանկարվելիս չի կարելի ժպտալ։

Պատճառն այն է, որ կենսաչափական համակարգը դեմքի նույնականացման համար հաշվի է առնում դեմքի հիմնական կետերի և դրանց միջև եղած հեռավորությունների առանձնահատկությունները։

Երբ ժպտում ենք, փոխվում են դեմքի որոշ հատվածների դիրքերն ու համամասնությունները․ բարձրանում են այտերը, լայնանում է բերանը, փոքր-ինչ նեղանում են աչքերը։

Իսկ չեզոք դեմքի արտահայտությունը հնարավորություն է տալիս ապահովել դեմքի առավել ճշգրիտ նույնականացում։

Ուստի լուսանկարվելիս հիշե՛ք՝ չեզոք դեմք, փակ բերան և ուղիղ հայացք։ Իսկ ժպտալը կարող եք թողնել լուսանկարվելուց հետո։

Հետևե՛ք մեր հրապարակումներին՝ կենսաչափական համակարգի մասին ավելին իմանալու համար։

83