Բաժանորդագրվեք araratnews-ի տելեգրամ ալիքին։
Պուտինը, Թրամփն ու Սի Ծինփինը Խաղաղության հռչակագիր են ընդունել․ Կրեմլը հրապարակել է տեքստը։
Նախաբանում նշվել է, որ Ռուսաստանի և Միացյալ Նահանգների ղեկավարները երախտագիտություն են հայտնել Չինաստանին՝ այս պատմական եռակողմ գագաթնաժողովը կազմակերպելու և հյուրընկալելու համար։ Երեք առաջնորդները մանրակրկիտ մտքեր են փոխանակել ներկայիս միջազգային իրավիճակի շուրջ և հաստատել իրենց հանձնառությունը՝ պահպանելու ռազմավարական կայունությունն ու միջազգային անվտանգությունը։
Առանձնացվել են հետևյալ կետերը՝
1. Որպես ՄԱԿ-ի Անվտանգության խորհրդի մշտական անդամներ՝ Ռուսաստանը, Չինաստանը և Միացյալ Նահանգները հայտնել են Միավորված ազգերի կազմակերպությունը բարեփոխելու իրենց պատրաստակամությունը, որպեսզի այն կարողանա ավելի արդյունավետ արձագանքել գլոբալ մարտահրավերներին և իրականացնել իր հիմնարար առաքելությունը՝ կապված միջազգային խաղաղության և անվտանգության հետ։
2. Երեք պետությունները նախատեսում են ավելացնել նավթամթերքների արտադրությունն ու մատակարարումը՝ ի շահ բոլոր երկրների։ Նրանք վերահաստատել են էներգակիրների կայուն մատակարարումների կարևորությունը։
3. Երեք առաջնորդները նշել են, որ պետության համաձայնության սկզբունքը և պետական պաշտոնյաների անձեռնմխելիության պահպանումը հիմնարար նշանակություն ունեն. նրանք համաձայնել են, որ Միջազգային քրեական դատարանը և այլ նմանատիպ կառույցներ չպետք է չարաշահեն իրենց լիազորությունները։
4. Երեք առաջնորդները վերահաստատել են, որ միջուկային պատերազմում հնարավոր չէ հաղթել, և այն երբեք չպետք է սանձազերծվի։ Երեք երկրները երկխոսություն կվարեն միջուկային ռիսկերի նվազեցման և միջուկային զենքի տարածման կանխարգելման շուրջ։