Փրկարարներն արգելափակումից դուրս են բերել մոտ 110 ավտոմեքենա

Սյունիքի մարզային ճգնաժամային կառավարման կենտրոնը փետրվարի 23-ին, ժամը 10։57-ին ահազանգ է ստացել, որ Գորիս-Սիսիան ավտոճանապարհի 8-10-րդ կմ-ին (Հարժիս-Շինուհայր հատված) ավտոմեքենաներ են արգելափակվել ձյան շերտում:

Ինչպես տեղեկացնում են ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատների երեք մարտական հաշվարկ:

«Գորիս-Սիսիան ճանապարհահատվածը անվտանգության նկատառումներից ելնելով ՃՈ-ի կողմից երկկողմանի փակվել է:

Ժամը 17:30-ի դրությամբ փրկարարներն արգելափակումից դուրս են բերել մոտ 110 ավտոմեքենա»,- ասվում է հաղորդագրության մեջ:

Ըստ աղբյուրի՝ ճանապարհահատվածն արդեն երկկողմանի բաց է:

24 Փետրվար, 2021 01:11

2283

Փրկարարները ավտոճանապարհից հեռացրել են տապալված ծառը՝ վերականգնելով երթևեկությունը

13 Սեպտեմբեր, 2026 22:25

ՀՀ տարածքում ավտոճանապարհներն անցանելի են

14 Հուլիս, 2026 10:10

Օդային ճանապարհով քաղաքացին ՀՀ է ներմուծել 845 գրամ կոկաին տեսակի թմրամիջոց

02 Փետրվար, 2026 12:16

Գայի պողոտայում այրվել է ավտոմեքենա