Նոյեմբերի 9-ի գիշերը տեղի ունեցածը զանգվածային անկարգությո՞ւն էր, թե՞ հեղաշրջման փորձ՝ հարցին վարչապետ Նիկոլ Փաշինյանը նշեց, որ այդտեղ շատ քաղաքական գործող անձինք են ներգրավված եղել և այն, ինչ տեղի ունեցավ ԱԺ նախագահ Արարատ Միրզոյանի հետ, ըստ էության, սպանության փորձ, գուցե Հայաստանի ղեկավարությանը ֆիզիկապես ոչնչացնելու փորձ էր:

«Այդ գործի քննությունը շարունակվում է, և տասնյակ մարդիկ փախուստի մեջ են, փնտրվում են իրավապահ մարմինների կողմից: Այն, որ այդտեղ շատ քաղաքական գործող անձինք ներգրավված են եղել, և եթե վերլուծենք, նույնիսկ այսօր նրանց կողմից կիրառվող հռետորաբանությունը և այն, ինչ տեղի ունեցավ ԱԺ նախագահ Արարատ Միրզոյանի հետ, ըստ էության, սպանության փորձ, գուցե Հայաստանի ղեկավարությանը ֆիզիկապես ոչնչացնելու փորձ էր: Եվ դրա նպատակը, թերևս, ոչ միայն ուղղակի իշխանության հարցը լուծելն էր, այլև ամենատարբեր ճշմարտություններ Ղարաբաղի հարցի շուրջ հավերժորեն ոչնչացնելը: Իսկ այդ ճշմարտությունները կան, իհարկե, պետական գաղտնիքի ձևով, բայց դրանք կան և չի հաջողվի ոչնչացնել դրանք»,- նշեց վարչապետը՝ հայտնելով, որ անկարգությունների գործով կան ձերբակալվածներ, կալանավորվածներ:

Ինչպես փոխանցում է1lurer.com-ը, ըստ վարչապետի՝ մի հատվածով էլ գործը գնացել է դատարան:   

Քաղաքական հետագիծն այդտեղ ո՞ւր է տանում հարցին Կառավարության ղեկավարը պատասխանեց, որ դրանից բոլորն են տեղյակ, Ազգային անվտանգության ծառայությունը տեսանյութ է պատրաստել և հրապարակել այդ մասին, և՛ գործող անձինք, և՛ շրջանակները պարզ են:    

 

23 Փետրվար, 2021 23:16
506
; ;