ՀՀ կառավարությունը կքննարկի ազատ ոճի ըմբշամարտիկներ Լյովա Գևորգյանի և Մենուա Յարիբեկյանի ու հրաձիգ Հայկ Բաբայանին տրված տարկետումը դադարեցնելու հարցը:

«Արմենպրես»-ի փոխանցմամբ՝ այս մասին գործադիրի որոշման նախագիծն ընդգրկված է ապրիլի 15-ի նիստի օրակարգում:

«Դադարեցնել Լյովա Հովհաննեսի Գևորգյանին, Մենուա Արտյոմի Յարիբեկյանին տրված տարկետումը՝ Հայաստանի ազատ ոճի ըմբշամարտի հավաքական թիմի կազմում այդ քաղաքացիների ընդգրկված չլինելու  հիմքով: Դադարեցնել սպորտի բնագավառում նշանակալի նվաճումներ ունենալու  համար  Հայկ  Արիստակեսի Բաբայանին տրված տարկետումը՝ Հայաստանի հրաձգության  հավաքական թիմի կազմում այդ քաղաքացու ընդգրկված չլինելու  հիմքով»,- ասված է որոշման նախագծում:

14 Ապրիլ, 2021 20:33
209
; ;