ՌԴ եւ Թուրքիայի նախագահները այսօր հեռախոսով քննարկել են ղարաբաղյան կարգավորումը,- հայտնում է Կրեմլի մամուլի ծառայությունը։
Այս համատեքստում երկու երկրների ղեկավարները դիտարկել են ռուս-թուրքական կենտրոնի` հրադադարի վերահսկման գործունեությունը։
Նշվում է, որ կողմերը մանրամասն քննարկել են կորոնավիրուսի տարածման դեմ պայքարը` հաշվի առնելով Թուրքիայում համաճարակային վիճակը։ Պուտինն ընդգծել է այդ իրավիճակում ըգնության ձեռք մեկընելու պատրաստակամության մասին։
« Խոսքը, մասնավորապես, ռուսական Sputnik V պատվաստանյութի մատակարարումների արագ կազմակերպման մասին է: Մշակվում են նաև Թուրքիայում պատվաստանյութի համատեղ արտադրության ստեղծման հնարավորություններ», - ասվում է հայտարարության մեջ
Էրդողանն իր հերթին շնորհակալություն է հայտնել ռուսական կողմի ցուցաբերած համագործակցության համար, նրա կարծիքով ձեռնարկված հակահամաճարակային միջոցառումները հնարավորություն կտան հասնել իրավիճակի արմատական բարելավմանը և զբոսաշրջության ոլորտում վերականգնել երկկողմ կապերը։
Անդրադառնալով տարածաշրջանային խնդիրներին ՝ Պուտինն ու Էրդողանը նշել են «Ռուսաստանի և Թուրքիայի միջև փոխգործակցության կառուցողական բնույթը ՝ ուղղված Սիրիայում հետագա կայունացմանը: