Մայիսի  9֊ ին լույս  է  տեսել  բանաստեղծ  Սերգեյ  Այվազյանի  բանաստեղծությունների   ժողովածուն՝ Ընտրանին։

Բանաստեղծի  90֊ամյակի օրը  նրա   ժառանգները  կատարել  են  նրա   վաղեմի   երազանքը՝  լույս  ընծայելով  վերջինիս  բանաստեղծություննների   ժողովածուն։ Ժողովածուում  ներառված   են  բանաստեղծի  «Հայրենիքիս»,  «Լիրլկա», «Հորս  հիշատակին» և  մի   շարք  այլ   ստեղծագործություններ։ Սերգեյ  Այվազյանը  եղել  է տաղանդավոր  բանաստեղծ  ու  նկարիչ,  նա  ստեղծագործել  է առակների, երգիծական,  քառյակների,  փիլիսոփայական  ժանրերում։ Ստեղծագործել  է  վաղ  տարիքից։

Տպագրվել  է «Գարուն», «Ծիծեռնակ», «Ոզնի», «Պիոներ  կանչ», «Պիոներ» պարբերականներում։  Հանդես  է  եկեկ Սոս  Խնդունի,  Սերո  Այվազյան,  Սերիկ  Վազյան  գրական  ծածկանուններով։Սերգեյ  Այվազյանի  մասին  լավագույնս  արտահայտվել  են    արվեստի  և  գրականության    հայտնի   մեծերը՝ Հովհաննես  Շիրազ,  Արամայիս  Սահակյան, Մարո  Մարգարյան, Հենրիկ  Իգիթյան, Ռաղմիկ  Դավոյան  և ուրիշներ։

Ազգային  վերելքի  տարիներին (80֊ականների  վերջ  90֊ականների  սկիզբ) Այվազյանը  լինելով  ծագումով   սասունցիների զավակ, չէր  կարող  ակտիվ  մասնակցություն  չունենալ  ՀԱԲ֊ի  կազմավորման  և  Արցախյան   շարժման գործում։

Սերգեյ  Այվազյանը  իր  մահկանացուն   կնքել  է  1994 թ֊ին։

«Կանգնած ես դու, իմ ժողովուրդ,

Կարմիր վիհի եզերքին,

Քո եռագույն ու ինքնության,

Արտոնագիրը ձեռքիդ․․․»։

 

12 Մայիս, 2021 14:59
126
; ;