Առաջիկա մեկ շաբաթվա ընթացքում պետք է Հայաստանում իրականացնենք ոչ բռնի, բայց այս անգամ՝ պողպատյա ժողովրդական հեղափոխություն, այս մասին Նոյեմբերյանում հանրահավաքի ժամանակ հայտարարել է ՀՀ վարչապետի պաշտոնակատար Նիկոլ Փաշինյանը:

«Մենք միասին պետք է, ի վերջո, ստանանք այն հարցերի պատասխանները, որ վերջին երեք տարիներին բարձրաձայնվել են»,- ասաց Փաշինյանն ու հավելեց, որ 2021 թվականին սկսելու է գործարկվել ապօրինի գույքի բռնագանձման վերաբերյալ օրենսդրական մեխանիզմը:

«Ապօրինի ձեռք բերված գույքը բռնագանձվում է հօգուտ պետության, և ես հույս ունեմ, որ առաջիկայում մենք մեկը մյուսի հետևից կունենանք այդպիսի որոշումներ ու հնարավորություն՝ ժողովրդից գողացվածը վերադարձնել ժողովրդին»,- շեշտեց նա: