Ռուսաստանը հուսով է, որ Հայաստանում արտահերթ խորհրդարանական ընտրությունների արդյունքները կնպաստեն երկրի զարգացմանը, Մոսկվայի հետ հարաբերությունների ամրապնդմանը, ինչպես նաեւ Անդրկովկասում կայունության եւ անվտանգության ամրապնդմանը: Այս մասին ասված Է ՌԴ ԱԳՆ պաշտոնական ներկայացուցիչ Մարիա Զախարովայի տարածած մեկնաբանությունում, հայտնում է ՏԱՍՍ-ը։
«Հուսով ենք, որ ընտրական գործընթացի արդյունքները ՝ օրենսդրական գրանցումից հետո կնպաստեն Հայաստանի առաջադեմ զարգացմանը, ռուս-հայկական հարաբերությունների հետագա ամրապնդմանը, ինչպես նաեւ ամբողջ Անդրկովկասի տարածաշրջանում խաղաղության, անվտանգության եւ կայունության ապահովմանը, առաջին հերթին 2020 թ. նոյեմբերի 9-ի եւ 2021 թվականի հունվարի 11-ի Ադրբեջանի, Հայաստանի եւ Ռուսաստանի ղեկավարների եռակողմ հայտարարությունների ամբողջական կատարմանը», - ասվում է մեկնաբանության մեջ:
Զախարովան ընդգծել է, որ ԱՊՀ դիտորդական առաքելության ղեկավար Իլհոմ Նեմատովը նշել է, որ երկրում ընտրություններն անցել են օրենքին համապատասխան, իսկ խոշոր խախտումներ, որոնք կարող են ազդել քվեարկության արդյունքների վրա, չեն արձանագրվել:
«Նմանատիպ գնահատականներով հանդես են եկել ՀԱՊԿ-ի, ԵԱՀԿ/ԺՀՄԻԳ-ի եւ Եվրոպայի Խորհրդի Խորհրդարանական վեհաժողովի դիտորդական առաքելությունները», - հավելել է Զախարովան: