Ազգային ժողովում ավարտվել է փոխնախագահի ընտրության փակ գաղտնի քվեարկությունը: Ընդդիմադիրների փոխնախագահի թեկնածուն Իշխան Սաղաթելյանն էր: ԱԺ նախագահ Ալեն Սիմոնյանը հայտնեց, որ Իշխան Սաղաթելյանը չընտրվեց ԱԺ ընդդիմադիր փոխնախագահ։  

Նա ստացել է 53 քվե։ Ձայները բաշխվել են հետեւյալ կերպ՝ 53 կողմ, 50 դեմ։ «Հայաստան» դաշինքից մեկ պատգամավոր՝ Դավիթ Սեդրակյանը, չի մասնակցել քվեարկությանը, ըստ դաշինքի՝ հարգելի պատճառներով։ 

ԱԺ փոխնախագահի պաշտոնում ընտրվելու համար անհրաժեշտ էր, որպեսզի Իշխան Սաղաթելյանը 54 ձայն ստանար. ընտրվելու համար նրան մեկ ձայն է պակասել:

Ընդդիմադիր խմբակցության թեկնածու առաջադրելու համար ձայնը տրվեց «Հայաստան» խմբակցության ղեկավար Սեյրան Օհանյանին: Օհանյանը հայտնեց, որ կրկին Սաղաթելյանի թեկնածությունն են առաջադրում:

1428