ՀՀ Արտակարգ իրավիճակների նախարար Անդրանիկ Փիլոյանը շնորհավորական ուղերձ է հղել Անկախության տոնի առթիվ: Ուղերձում ասվում է.

Սիրելի՛ հայրենակիցներ,

Շնորհավորում եմ բոլորիս մեր ժողովրդի ամենանվիրական՝ Անկախության տոնի առթիվ: 30 տարի առաջ իր ճակատագիրը տնօրինելու վճռականություն ցուցաբերած մեր ժողովուրդը կայացրեց անկախ պետականություն կերտելու իր որոշումը:

Այս տարիների ընթացքում մենք կարողացել ենք հաղթահարել արտաքին և ներքին ամենատարբեր մարտահրավերներ ու դժվարություններ:

Իհարկե, ունեցել ենք ոչ միայն հաջողություններ, այլև ձախողումներ, սակայն վստահ ենք, որ մեր անկախությունն այլընտրանք չունի:

44-օրյա պատերազմը ցույց տվեց, որ անկախության տարիներին դաստիարակվել է մեր երկրի ապագային հավատացող, հայրենասեր երիտասարդություն և հենց նրանց ենք պարտավոր անսասան պահելու ամենակարևորը՝ մեր պետականությունը:

Սիրելի՛ հայրենակիցներ,

Այս օրը սրբազան խորհուրդ ունի, և մենք պարտավոր ենք այն իր ողջ պատասխանատվությամբ փոխանցել սերունդներին և չընկրկել ոչ մի դժվարության առաջ:

Շնորհավո՛ր Անկախության տոնը:

108