Պաշտոնապես հերքում եմ Առուշանյանի թիմի և իշխանության պայմանավորվածության մասին լուրերը. Վահագն Ալեքսանյան
ԱԺ ճեպազրույցների ընթացքում ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը հայտարարություն արեց՝ հերքելով տարածված որոշ տեղեկություններ:
Պատգամավորը նշեց, որ լուրեր են տարածվում այն մասին, ըստ որոնց՝ Գորիսի համայնքապետ Առուշ Առուշանյանի թիմը պայմանավորվածություն ունի իշխանությունների հետ, որ եթե Առուշանյանը հաղթանակ տանի Գորիսում սպասվող ՏԻՄ ընտրություններում, ապա նա ազատ է արձակվելու, ինչի դիմաց էլ հրաժարական է տալու:
«Ուզում եմ պաշտոնապես հերքել այս տեղեկությունը: Նման պայմանավորվածություն չկա և չի կարող լինել: ՀՀ-ում ցանկացած մեկը, որը կատարել է հանցագործություն, կրելու է դրա համար սահմանված պատիժը»,- ասաց Ալեքսանյանը:
398