Ըստ ոստիկանության օպերատիվ հաղորդագրությունների ամփոփագրերի` հոկտեմբերի 8-11-ը Հայաստանի Հանրապետության ոստիկանության ստորաբաժանումները բացահայտել են հանցագործության 150 դեպք, որից՝ 7-ը նախկինում կատարված։

Մասնավորապես, բացահայտվել է անձնական ունեցվածքի գողության՝ 46, պաշտոնեական լիազորությունների չարաշահան՝ 32, մարմնական վնասվածք պատճառելու՝ 19, թմրամիջոցի հայտնաբերման՝ 7, զենք-զինամթերքի առգրավման և ընտանեկան բռնության՝ 6-ական, խարդախության և ծանր վիրավորանքի՝ 5-ական, փաստաթղթի կեղծիքի՝ 3, ավտոմեքենա փախցնելու, սպանության, կողոպուտի, ապօրինի ծառահատման, ծեծի, սառը զենք կրելու, բռնաբարության փորձի, պաշտոնեական կեղծիքի կամ անփութության, գույքը դիտավորությամբ վնասելու սպառնալիքի, յուրացման կամ վատնման, համակարգչային հանցագործության, ընդերքի պահպանման և օգտագործման կանոնները խախտելու, կաշառակերության և սպանության սպառնալիքի ՝ 1-ական դեպք։

Հայտնաբերվել է 5 անհետ կորած և 13 հետախուզվող։ Կամավոր ներկայացել է 8 հետախուզվող։

Գրանցվել է զենք-զինամթերքի կամավոր հանձնման 1 դեպք։

Նախկինում կատարված հանցագործություններից բացահայտվել է անձնական ունեցվածքի գողության՝ 6 և մարմնական վնասվածք հասցնելու՝ 1 դեպք։

Անցած 3 օրվա ընթացքում հանրապետությունում արձանագրվել է ճանապարհատրանսպորտային 36 պատահար. 45 մարդ ստացել է տարբեր աստիճանի մարմնական վնասվածքներ:

79