«Երեկ հայտնի դարձավ՝ «Standard and poor's» միջազգային գործակալությունը վարկանիշ է շնորհել Հայաստանի Հանրապետությանը, և երեկվանից քննարկվում է այդ լուրը լայնորեն»: Այս մասին այսօր գործադիրի նիստում հայտարարեց ՀՀ վարչապետ Նիկոլ Փաշինյանը:

Վարչապետը խոսքը փոխանցեց ֆինանսների նախարար Տիգրան Խաչատրյանին, որպեսզի վերջինս բացատրի, թե ինչ է նշանակում դա: «Առաջին տարին է, որ այս կազմակերպությունը վարկանշավորել է ՀՀ-ին և շնորհել է արտարժույթով և ազգային արժույթով երկարաժամկետ պարտավորությունների թողարկման B+ սուվերեն վարկանիշ դրական հեռանկարով»,- ասաց նախարարը:

Խաչատրյանը նաև նշեց, որ առաջին տարին է, որ միաժամանակ Հայաստանին վերաբերող զեկույցներ է հրապարակել վարկանշավորման ոլորտում առաջատար եռյակը:

Հիշեցնենք` մեկնարկել է գործադիրի հերթկաան նիստը: