Ավելի քան 10 եվրոպական ասոցիացիա դիտարկում է ՖԻՖԱ-ից դուրս գալու հնարավորությունը

Ֆուտբոլի միջազգային ֆեդերացիան (ՖԻՖԱ) կուսումնասիրի երկու տարին մեկ աշխարհի առաջնության անցկացման վերաբերյալ բոլոր կարծիքները՝ ասել է ՖԻՖԱ-ի նախագահ Ջանի Ինֆանտինոն:

Սեպտեմբերի սկզբին Եվրոպական ֆուտբոլային ասոցիացիաների միության (ՈՒԵՖԱ) ղեկավար Ալեքսանդր Չեֆերինը ասել է, որ աշխարհի առաջնությունը երկու տարին մեկ անցկացնելը կթուլացնի մրցաշարի դիրքերը: Ավելի ուշ նա մամուլի միջոցով նախազգուշացրել էր եվրոպական թիմերի կողմից հնարավոր բոյկոտի մասին, եթե ՖԻՖԱ-ի աշխարհի առաջնության ծրագրերն իրականանան։ Չորեքշաբթի օրը ԶԼՄ -ներում տեղեկատվություն հայտնվեց, որ եվրոպական ավելի քան 10 ֆուտբոլային ասոցիացիաներ դիտարկում են ՖԻՖԱ-ից դուրս գալու հնարավորությունը՝ աշխարհի առաջնության խաղացանկի հնարավոր փոփոխության պատճառով:

«Ճիշտ է, քննարկումները թեժ են եղել, բայց դա նորմալ է»,- ասել է ՖԻՖԱ-ի նախագահը: Հավանաբար այն պատճառով, որ մենք ընդհանրապես երբեք չենք խոսել այս մասին: Բոլորի համար հիմա կարևոր է արտահայտել իր կարծիքը, բոլորը պետք է լսելի լինեն: Բոյկոտի կամ նման բաների սպառնալիքներ այսօր չհնչեցին: Խոսակցությունները կառուցողական և դրական էին»:

«Ես հասկանում եմ, որ կարծիքները կարող են տարբեր լինել: Վստահ եմ, որ դեկտեմբերի 20-ին մենք կկարողանանք ընդհանուր կարծիք հայտնել (աշխարհի առաջնության հաճախականության վերաբերյալ): Մարդկանց համար դժվար է ընդունել փոփոխությունները, հատկապես, եթե վերջին 100 տարում ամեն ինչ որոշակի հունով է ընթանում: Մեր նպատակն է ֆուտբոլն ավելի լավը դարձնել, սա բոլորի նպատակն է, ովքեր առնչություն ունեն ՖԻՖԱ-ի հետ»,- հավելել է Ինֆանտինոն:

21 Հոկտեմբեր, 2021 15:44

579

ՖԻՖԱ-ն հրապարակել է դասակարգման թարմացված աղյուսակը. որ տեղում է Հայաստանը

18 Սեպտեմբեր, 2025 14:18

Երևանում բացվեց նոր արհեստական խաղադաշտ. Հայաստանը ՖԻՖԱ-ի նախաձեռնության առաջին շահառուներից է

09 Մայիս, 2025 12:08

Հայաստանն առաջին անգամ կունենա ՖԻՖԱ-ի 4 մրցավար և մրցավարի 8 օգնական

18 Փետրվար, 2025 13:03

Հայաստան-Պորտուգալիա հանդիպումը․ լուսանկարներ

06 Սեպտեմբեր, 2025 22:38

Հայաստանի Մ-19 հավաքականի կազմը

01 Սեպտեմբեր, 2025 12:18