Այսօր ռուսական խաղաղապահ ուժերի միջնորդությամբ հայկական կողմին են փոխանցվել 23.11.2021թ.-ին մոլորվելու հետևանքով ադրբեջանցիների մոտ հայտնված Արցախի Հանրապետության քաղաքացի Միհրան Մուսայելյանը և ՀՀ քաղաքացի Արեն Արամյանը։

ԱՀ ազգային անվտանգության ծառայությունից հայտնելով այս մասին՝ նշում են, որ ծառայության կողմից համապատասխան միջոցառումներ են ձեռնարկվում՝ ԱՀ քաղաքացու կողմից ադրբեջանական կողմն անցնելու դեպքի հանգամանքները պարզելու ուղղությամբ։

Հիշեցնենք՝ Մուսայելյանի անհետ կորելու մասին հայտնի էր դարձել նոյեմբերի 23-ի վաղ առավոտյան:

Ավելի վաղ հայտնել էինք, որ, ՀՀ ՊՆ տեղեկացմամբ, այսօր Ադրբեջանը Հայաստանին է փոխանցել գերեվարված երկու քաղաքացու. Միհրան Էռնեստի Մուսայելյան (ծնվ. 2000թ.) և Արեն Ժիրայրի Արամյան (ծնվ. 1993թ.):

363