Իրանա-ադրբեջանական պետական սահմանին փոխհրաձգություն է տեղի ունեցել: Ադրբեջանի պետական սահմանային ծառայության մամուլի կենտրոնից ԱՊԱ գործակալությանը հայտնել են, որ 2021 թվականի դեկտեմբերի 7-ին, ժամը 16:00-ի սահմաններում, Յարդիմլի շրջանի Դաշքենդ գյուղի մոտակայքում գտնվող Գոյթեփե սահմանային անցակետի ծառայության տարածքում սահմանապահ ջոկատը նկատել է 2 անհայտ անձի, որոնք փորձում էին խախտել պետական սահմանն ու մուտք գործել երկիր:

Ադրբեջանցի սահմանապահները նախազգուշական կրակ են բացել: Սահմանախախտները հրազենից կրակ են բացել, նետել 2 փաթեթ և փորձել փախչել դեպքի վայրից։ Նրանցից մեկը վնասազերծվել է: Հայտնի է, որ փաթեթներում ծխախոտ է եղել:

Իրանական կողմը տեղեկացվել է կատարվածի մասին:

941