Անցնող 2021թ-ը Araratnews.am ամփոփել է Իջևան համայնքի ղեկավար Արթուր Ճաղարյանի հետ:
Պարոն Ճաղարյան, ինչպիսին էր տարին Իջևան համայնքի համար:
2021թ-ը հետպատերազմյան ` հետևաբար գոնե հոգեբանական առումով բավականին ծանր տարի էր բոլորիս համար, բայց ի պատիվ մեր պետության կարծում եմ , որ մենք ճգնաժամի հաղթահարման ճիշտ ուղղի ենք ընտրել: Կոնկրետ մեր համայնքի համար անցնող տարին կարող եմ ասել , որ բավականին հաջող տարի էր: Համայնքապետարանն ամբողջությամբ ավարտին է հասցրել 2021թ համար նախատեսված գրեթե բոլոր ծրագրերը:
Համայնքային և պետական բյուջեների միջոցներով, սուբվենցիոն ծրագրերով կատարվել են փողոցների ասֆալտապատման, բարեկարգման և կանաչապատման աշխատանքներ, իրականացվել է շենքերի էներգաարդյունավետության ծրագիր: Մեր ուշադրության կենտրոնում են բոլոր սոցիալական խմբերի խնդիրները` մանկապարտեզ հաճախող երեխաներից միչև միայնակ ծերեր:
Խրախուսվել են Իջևանը ներկայացնող և տարբեր մրցաշարերում հաղթած կամ մրցանակներ նվաճած մարզիկները,աշակերտներն ու մշակութային ոլորտի ներկայացուցիչները: Սոցիալական աջակցություն է տրամադրվել պատերազմում զոհված մեր եղբայրների ընտանիքներին:
Ինչ ծրագրեր ունեք գալիք 2022թ-ի համար:
Ինչպես գիտեք մեր համայնքը նույնպես անցավ համայնքների խոշորացման պրոցեսով և մեր համայնքային մեծ ընտանիքին են միացել իջևանի շրջանի բոլոր 18 գյուղական համայնքները, որն էլ իր հերթին ծնել է բազմաթիվ նոր, բայց իմ կարծիքով նվիրված աշխատանքի դեպքում հաղթահարելի մարտահրավերներ:
Այս պահին մենք գտնվում ենք արդեն խոշորացված Իջևան համայնքի ձևավորման տեխնիկական խնդիրների լուծման փուլում, որը կավարտենք առաջիկա մեկ-երկու ամիսների ընթացքում, իսկ նյութական, երևացող աշխատանքները իրենց երկար սպասեցնել չեն տա:
Պարոն Ճաղարյան, իմ և Araratnews.am -ի անունից շնորհավորում եմ Ձեզ գալիք Ամանորի կապակցությամբ` ցանկանալով անձնական և աշխատանքային հաջողություններ:
Ես նույնպես շնորհավորում եմ ձեզ Ամանորի կապակցությամբ :
Որպես հայ մարդ և մարդ ում ղեկավարած համայնքը անմիջական սահման ունի Ադրբեջանի հետ` մեզ բոլորիս առաջին հերթին կմաղթեմ խաղաղություն: Վստահաբար յուրաքանչյուրս բաժակ ենք բարձրացնելու զինվորի, ուժեղ և բարեկեցիկ պետություն ունենոլու ու խաղաղության համար:
Կցանկանամ, որ յուքանչյուր հայի մտքում ու գիտակցության մեջ վերը նշված արժեքները դրսևորվեն ոչ թե կենացի ու ցանկության տարմաբանությամբ, այլ գիտակցությամբ, որ սրանք կարող են լինել և կլինեն , երբ ամեն մեկս մեր տեղում, մեր գործողություններով ու աշխատանքով մոտեցնենք այն օրը , երբ կենացները կլինեն ոչ միայն ցանկությունների, այլև արձանագրված արդյունքների մասին:
Հեղինակ ՝ Արամ Սիմոնյան