ԱՄՆ հանրապետական կոնգրեսական ​​Ջիմ Բենքսը ներկայացրել է Ռուսաստանի դեմ սահմանափակող միջոցների նոր նախագիծ՝ հետեւում է ԱՄՆ Կոնգրեսի կայքից։ Նախագիծը քննարկման է ներկայացվել հունվարի 19-ին։ Նախաձեռնությանը աջակցել են եւս 38 կոնգրեսականներ։ Փաստաթղթի տեքստը դեռ պաշտոնապես չի հրապարակվել։

Ըստ Washington Post-ի՝ այն կոչվում է «Պուտինին պատասխանատվության ենթարկելու ակտը» և ներառում է հետևյալ կետերը.

—Դոնբասի «Ռուսաստանի աջակցությամբ» ուժերին ահաբեկիչներ հայտարարել և Ռուսաստանին ահաբեկչության հովանավոր ճանաչել,

—Ռուսաստանի պետական ​​պարտքի հետ գործառնությունների արգելք,

—Հյուսիսային հոսք 2-ի դեմ ուղղված միջոցներ, ներառյալ հարակից կազմակերպությունները և նրանց բաժնետերերը,

—Դադարեցնել կիբերանվտանգության երկխոսության ֆինանսավորումը, քանի դեռ չեն ավարտվել ԱՄՆ գործակալությունների վրա հարձակումները,

—Ռազմավարական կայունության շուրջ երկխոսության ֆինանսավորման դադարեցում, քանի դեռ Ղրիմը մնում է ռուսական,

—Պատժամիջոցներ ՌԴ նախագահ Վլադիմիր Պուտինի, կառավարության բոլոր անդամների, ինչպես նաև Ռուսաստանի պաշտոնյաների և անվտանգության պաշտոնյաների, այդ թվում՝ ՌԴ նախագահի մամուլի քարտուղար Դմիտրի Պեսկովի, Մոսկվայի քաղաքապետ Սերգեյ Սոբյանինի, նախագահի աշխատակազմի ղեկավարի առաջին տեղակալ Սերգեյ Կիրիենկոյի և այլ պաշտոնատար անձանց նկատմամբ,

—Պատժամիջոցներ լրագրողների նկատմամբ: Այդ ցանկում են «Россия Сегодня» և RT հեռուստաալիքների գլխավոր խմբագիր Մարգարիտա Սիմոնյանը, հեռուստառադիոհաղորդավար Վլադիմիր Սոլովյովը և Առաջին ալիքի գլխավոր տնօրեն Կոնստանտին Էռնստը:

Նախօրեին ԱՄՆ նախագահ Ջո Բայդենը իր պաշտոնավարման տարեդարձին նվիրված մամուլի ասուլիսի ժամանակ ասել էր, որ Վաշինգտոնը պատրաստ է ընդունել Մոսկվայի դեմ սահմանափակումների նոր փաթեթ՝ Ուկրաինայի շուրջ իրավիճակի սրման դեպքում։ 

386