Ուկրաինայում զինծառայողը սպանել է իր 4 համածառայակիցներին
Դնեպրում գտնվող «Յուժմաշ» ձեռնարկությունում ծառայություն անցնող Ուկրաինայի Ազգային գվարդիայի ծառայողը կրակ է բացել իր ծառայակիցների վրա, հայտնել է երկրի ՆԳՆ-ն։ Արդյունքում հինգ մարդ մահացել է, հինգը՝ վիրավորվել։
Զինծառայողներից մեկը բուժօգնություն ստանալու ժամանակ մահացել է, ասվում է հաղորդագրության մեջ։
Ավելի ուշ ոստիկանությունը հայտնել է, որ զոհվածների թվում կա չորս զինվորական և մեկ քաղաքացիական անձ:
«Ժամկետային զինծառայող, 2001 թվականին ծնված Արտեմի Յուրիևիչ Ռյաբչուկը անհայտ պատճառներով «Կալաշնիկով» ինքնաձիգից կրակել է ՈՒԱԳ զինծառայողների վրա»,- հայտնել են Ուկրաինայի ՆԳՆ-ից։
27 Հունվար, 2022 15:28
602