Toyota Motor-ը երեքշաբթի կդադարեցնի Ճապոնիայում իր բոլոր գործարանների աշխատանքը՝ ենթադրյալ կիբեռհարձակման պատճառով, որը խախտել է ավտոարտադրողի պահեստամասերի մատակարարման համակարգը, հայտնում է Nikkei-ն:

Ընկերությունը կդադարեցնի 28 գծերի շահագործումը 14 գործարաններում։ Toyota-ի դուստր-ձեռնարկությունները՝ Hino Motors-ը եւ Daihatsu Motor-ը, նույնպես կդադարեցնեն աշխատանքը որոշ գործարաններում:

Դադարեցումը կազդի մոտ 13 000 ավտոմեքենաների կամ Ճապոնիայում Toyota-ի ամսական արտադրության 4-5 տոկոսի վրա:

 

Կիբեռհարձակումը հարվածել է Kojima Industries ընկերությանը, որը պլաստիկ պահեստամասեր է մատակարարում Toyota-ին: Ընկերությունը հայտնել է, որ դեռ հետաքննում է կիբեռհարձակման ծագումը, կոնկրետ վնասաբեր ծրագիրը եւ պատճառված վնասի չափը: «Toyota-ի ներկայացուցիչները եւ կիբեռանվտանգության փորձագետները Kojima Industries-ում են, որպեսզի պարզեն պատճառը եւ համակարգը վերականգնելու միջոցը»,- ասել է իրավիճակին ծանոթ աղբյուրը:

756