Անհայտ անձինք հայտնել են Մոսկվայից Երևան թռչող ինքնաթիռի պայթյունի սպառնալիքի  մասին։ Այս մասին ՏԱՍՍ-ին հայտնել է իրավապահ մարմինների աղբյուրը։

«Շերեմետևո» օդանավակայանի էլեկտրոնային փոստին անանուն հաղորդագրություն է ստացվել Մոսկվայից Երևան թռչող ինքնաթիռում առկա ականի մասին: Ստուգումը կիրականացվի ժամանման օդանավակայանում»,- ասել է գործակալության զրուցակիցը։

Նա չի հստակեցրել, թե Մոսկվայի որ օդանավակայանից է մեկնել ինքնաթիռը։

Flightradar24 ծառայության տվյալներով՝ այժմ օդում կա երկու ինքնաթիռ, որոնք ուղղվում են դեպի Երևան՝ Դոմոդեդովոյից և Վնուկովոյից։ Նրանցից ոչ մեկն ահազանգ չի հնչեցրել։ Մարտի 17-ին Շերեմետևոյից Երևան ինքնաթիռներ չեն թռել:

1332