Ռուսաստանի Նիժնի Նովգորոդի մարզը մտադիր է մեծացնել Հայաստանի հետ երկկողմ առեւտրի ծավալները։ Այս մասին իր Telegram-ալիքում գրել է ՀՀ վարչապետ Նիկոլ Փաշինյանի մարզ կատարած այցի արդյունքներով մարզի նահանգապետ Գլեբ Նիկիտինը:
«Նախատեսում ենք ընդլայնել մեր արտահանումը Հայաստան և ներմուծումը, hատկապես դա վերաբերում է պարենային ապրանքների մատակարարումներին, իրացման նոր հարթակների ստեղծման», -գրել է մարզպետը:
Նա նշել է Ռուսաստանի Դաշնության Նիժնի Նովգորոդի մարզի արդյունաբերական ձեռնարկությունների, բուհերի, իշխանության մարմինների ավանդական համագործակցությունը։ «ՏՏ ոլորտը շատ հեռանկարային է։ Մեր գործընկերներին մանրամասն ներկայացրեցինք ՏՏ-կամպուսի և բարձր տեխնոլոգիաների եռամսյակի նախագիծը։
Հայաստանը մնում է մեր ամենահուսալի գործընկերներից մեկը», - գրել է Գլեբ Նիկիտինը։
Նշենք, որ Նիկոլ Փաշինյանի ՝ Նիժնի Նովգորոդի մարզ կատարած աշխատանքային այցի ընթացքում ՀՀ վարչապետն ու մարզպետն այցելել են Նիժնի Նովգորոդի Կրեմլ, Նիժնի Նովգորոդի Պետական արվեստի թանգարան, ծաղիկներ դրել անմար կրակի մոտ։
Նիկոլ Փաշինյանը եղել է նաև «Սուրբ Ամենափրկիչ» եկեղեցում և հանդիպել Նիժնի Նովգորոդի հայ համայնքի ներկայացուցիչների հետ: Այս տարածաշրջանում հայկական սփյուռքն այսօր ունի մոտ 15 հազար մարդ։ Բացի այդ, Նիկոլ Փաշինյանը մասնակցել է Նիժնի Նովգորոդում առաջին ջրաշխարհի տեխնիկական բացմանը: Ներդրող՝ Աղասի Ալեքյան՝ հայկական համայնքի ղեկավար: