Եսայի քահանան գրում է․
«Ի պատասխան հանրահավաքին հոգևորականների մասնակցության հարցերին։
Այսօր՝ մայիսի 1-ին, Երևանում նախատեսված հանրահավաքին հոգևորականների մասնակցության վերաբերյալ լրատվականների հարցերին ի պատասխան ցանկանում եմ ընդհանրացված տեղեկացնել հետևյալը։
Հոգևորականները, ինչպես քաղաքական զանգվածային նախընթաց միջոցառումներին, ներկա են լինելու նաև այսօրվա հանրահավաքին՝ հնարավոր լարվածությունները մեղմելու և հանդարտության մթնոլորտի պահպանմանը նպաստելու համար:
Մայր Աթոռը հորդորում է հանրահավաքի մասնակիցներին և իրավապահ մարմինների ներկայացուցիչներին հանդես բերել զգոնություն ու խիստ պատասխանատվություն և զերծ մնալ սադրանքներին տրվելուց:
Աղոթում ենք Հայաստան և Արցախ մեր հայրենիքի ապահովության ու անվտանգության, մեր ժողովրդի բարօր կյանքի համար»։
Հիշեցնենք, որ երեկ տեղեկություններ էր տարածվել, որ ընդդիմությունը վաղվա ցույցին քահանաների է հրավիրելու և նրանց թիկունքում թաքնված բախումներ է հրահրելու ոստիկանության հետ՝ փորձելով նոր «Մարտի 1» կազմակերպել։