Մայիսի 20-ի լուսադեմին մայրաքաղաքի Ծիծեռնակաբերդի խճուղու մի հատվածում արձանագրվել է ճանապարհի երթևեկելի գոտու փլուզում: Նախնական դիտարկմամբ՝ փլուզումը տեղի է ունեցել վերջին շրջանում անոմալ քանակությամբ տեղումների պատճառով: Ճանապարհին հարակից գրունտը թուլացել է, ինչն էլ, ըստ էության, հանգեցրել է փլուզման:

Շինարարությունն իրականացնող «Սահակյանշին» ընկերությունը հանձն է առել առաջիկայում հենապատ կառուցել՝ այդ կերպ ապահովագրելով հետագա հնարավոր փլուզումներից: Այս պահին ուսումնասիրվում է Ծիծեռնակաբերդի խճուղուն հասցված վնասի չափը և, նախնական դիտարկմամբ, ճանապարհի հիմնանորոգման աշխատանքները կշարունակվեն շուրջ մեկ ամիս:

 

894