Ոստիկանության Արաբկիրի բաժնի քրեական հետախուզության բաժանմունքի ծառայողներն իրականացրել են հատուկ օպերացիա, որը կրել է «Վնասազերծել մինչև սահման» անվանումը:

Այս մասին գրում է shamshyan.com-ը:

Սյունիքի մարզում իրավապահները Մեղրի-Ագարակ ավտոճանապարհին  դարանակալել են, ապա ավազակային հարձակում կատարելու կասկածանքով  կանգնեցրել  որպես տաքսի շահագործվող «Օպել» մակնիշի ավտոմեքենան:

Ոստիկանները հենց  «Օպել»-ի մեջ հայտնաբերել են Իրանի Իսլամական Հանրապետության քաղաքացիներ, 24-ամյա Մահդի Ճ.-ին, 31-ամյա Ռեզա Ա.-ին, 24-ամյա  Հուսեին Դ.-ին և  32-ամյա Ալի Ա.-ին: Վերջիններս ավազակային  հարձակում կատարելու կասկածանքով  բերման են  ենթարկվել, այնուհետ ներկայացվել Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժին:

Նախաձեռնվել է քրեական վարույթ:

Աղբյուրի տեղեկություններով՝ բերման ենթարկվածներից մեկի մոտ հայտնաբերվել է տուժածից հափշտակած ոսկյա շղթան:

 

1640