Հուլիսի 22-ին քրեական ոստիկանության թմրամիջոցների անօրինական շրջանառության դեմ պայքարի վարչության, ոստիկանության Սյունիքի մարզային վարչության, Մեղրիի բաժնի և ՊԵԿ մաքսանենգության դեմ պայքարի վարչության ծառայողների համատեղ միջոցառումների արդյունքում Մեղրիում հայտնաբերվել ու, թմրամիջոց օգտագործելու և պահելու կասկածանքով, ձերբակալվել է օտարերկրյա քաղաքացի, 33-ամյա մի տղամարդ։

Այս մասին հայտնում են ոստիկանությունից։

Նրա անձնական զննությամբ հայտնաբերվել է ընդհանուր 6 գրամից ավելի քաշով ծխախոտի 8 գլանակ՝ մարիխուանայի նմանվող չորացված, մանրացված զանգվածով։

Դեպքի առթիվ Սյունիքի քննչական վարչությունում նախաձեռնվել է քրեական վարույթ։

Նշանակվել են փորձաքննություններ։

Հանգամանքները նախաքննությամբ պարզվում են։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

1128