Այս պահին մետրոպոլիտենով ուղևորափոխադրումները դադարեցված են. ահազանգ ռումբի առկայության մասին
Հարգելի՛ քաղաքացիներ,օգոստոսի 14-ին՝ ժամը 17:10-ին, Ճգնաժամային կառավարման ազգային կենտրոն ահազանգ է ստացվել, որ Երևանի մետրոպոլիտենի կայարաններում պայթուցիկ սարքեր են տեղադրված։Այս մասին իր ֆեյսբուքյան էջին գրել է Մետրոպոլիտեն ՓԲԸ–ի մամուլի խոսնակ Տաթև Խաչատրյանը։
Դեպքի վայր են մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական խումբը և քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական ջոկատը:
Այս պահին մետրոպոլիտենով ուղևորափոխադրումները ժամանակավորապես դադարեցված են: Հայցում ենք Ձեր ներողամտությունը պատճառված անհարմարությունների համար:
14 Օգոստոս, 2022 17:57
572