Այսօր տեղի ունեցավ STARMUS VI փառատոնի փակման արարողությունը, որի ժամանակ փառատոնի համահիմնադիր Գարիկ Իսրաելյանն ասաց, որ STARMUS-ին մասնակցած հյուրերից շատերը փաստել են, որ Հայաստանում անցկացված STARMUS-ը լավագույնն էր փառատոնի պատմության մեջ:

՛՛Առանց գիտության և կրթության Հայաստանում ապագա չկա՛՛,-ասաց Իսրաելյանը՝ հույս հայտնելով, որ ՀՀ-ում նման փառատոներ հետագաում նույնպես կանցկացվեն:

Փառատոնի փակման արարողությանը ելույթ ունեցավ նաև վարչապետի աշխատակազմի ղեկավար Արայիկ Հարությունյանը, որը նշեց, որ այսպիսի փառատոները լրացուցիչ խթան են հանդիսանում գիտության և կրթության ոլորտի զարգացմանը։

՛՛Կրթությունը և գիտությունը առանց արվեստի այլևս գոյություն չունեն։ Եվ STARMUS-ը դրա լավագույն համադրումն է՛՛,- ասաց նա։

Փառատոնի փակման արարողությանը մասնակցում էր նաև նախագահ Վահագն Խաչատուրյանը։ Նա բարձր գնահատեց փառատոնի անցկացումը և շնորհակալություն հայտնեց փառատոնի կազմակերպիչներին՝ STARMUS VI-ը նման բարձր մակարդակով կազմակերպելու համար։

STARMUS VI փառատոնը եզրափակվեց ՛՛Ալեքսեյ Լեոնով. Տիեզերքը ներսում՛՛ ֆիլմի պրեմիերիայով։