Ըստ «OneTwoTrip»-ի՝ ռուսաստանցիների համար ամենապահանջված երկիրն ամանորյա արձակուրդների համար Թաիլանդն է։ Ձմեռային արձակուրդների համար այնտեղ ամրագրումների տեսակարար կշիռը հասնում է 15 տոկոսի։

Երկրորդ տեղում Վիետնամն է, ուր նախատեսում է մեկնել զբոսաշրջիկների 11 տոկոսը։ Լավագույն եռյակը եզրափակում է Ղազախստանը, ուր մտադիր է այցելել յուրաքանչյուր տասներորդ ճանապարհորդը։

Ամենահայտնի երթուղիների հնգյակում ներառված են նաև Թուրքիան և Ուզբեկստանը, որտեղ կթռչեն զբոսաշրջիկների 6-8 տոկոսը: 

 

Ինդոնեզիայի նկատմամբ հետաքրքրություն է ցուցաբերում օգտատերերի 5,5 տոկոսը, ԱՄԷ-ի ու Իսրայելի՝ չորս տոկոսը։ 

 

Ծառայության հաճախորդների երեք տոկոսը պլանավորում է մեկնել Սերբիա և Հայաստան, իսկ երկու տոկոսը՝ Շրի Լանկա և Սեյշելներ։

 

Նշվում է, որ մեկ տարի առաջ՝ նույն ժամանակահատվածում, ամանորյա տոների ամենահայտնի ուղղություններից էին Թուրքիան, Հայաստանը, Մոլդովան, Հունգարիան, Վրաստանը, Ադրբեջանը, Արաբական Միացյալ Էմիրությունները, Սերբիան, Չեխիան և Մալդիվները։

 

«OneTwoTrip»-ի մասնագետները ամրագրումների տվյալները վերլուծել են այս տարվա դեկտեմբերի 31-ից մինչև 2023 թվականի հունվարի 8-ն ընկած ժամանակահատվածի համար։

950