ԱԺ նախագահ Արարատ Միրզոյանի տիկին Գոհար Աբաջյանն իր ֆեյսբուքյան էջում գրել է.
Այսօր քայլելիս, երբ մտածում էի հանրային վարքագծի փոփոխության մասին՝ թե ինչպես մենք պետք է վերափոխվենք պատերազմից հետո` նպաստելու համար Հայաստանի և Արցախի` ամենասեղմ ժամկետներում վերականգմանը, հանդիպակաց եկող մի երիտասարդ ձեռքի աղբը անհաղորդ դեմքով նետեց գետնին:
Ու հասկացա. վարքագծի ու պատասխանատվության փոփոխությունը, ամեն քայլով պետությանը ոչ միայն չվնասելու այլև աջակցելու վարքագիծը պետք է սկսենք այսօրվանից: Եվ ամեն մի մանրուք կարևոր է:
❗️Եվ ուրեմն` կոչ եմ անում Հայաստանում գործող բոլոր մեծ սուպերմարկետներին SAS Supermarkets, Yerevan City Supermarkets, PARMA Supermarkets, Նոր Զովք / Nor Zovq և այլ խանութներին👇🏻
‼️Վաղվանից կամ հնարավոր ամենասեղմ ժամկետներում պոլիէթիլենային տոպրակների արժեքը դարձրեք 100 դրամ` գոյացած ամբողջ հասույթը ուղղելով զինծառայողների հիմնադրամին:
Այդպիսով ոչ միայն գումարը կուղղենք պետությանը, այլև տարեց տարի կնվազեցնենք վտանգավոր աղբի թափոնը:
ՀՀ քաղաքացիներին կոչ եմ անում ձեռք բերել կտորի տոպրակներ: Ի դեպ` դրանցից շատերի վաճառքից գոյացած հասույթը այսօր ևս ուղղվում է Արցախին:
Տարածեք սա` ձևակերպելով որպես հանրային պահանջ: