ՌԴ նախագահի մամուլի խոսնակ Դմիտրի Պեսկովը հայտարարել է, որ Ռուսաստանը շարունակում է կատարել  Հայաստանի, Ռուսաստանի և Ադրբեջանի միջև եռակողմ հայտարարությամբ արձանագրված իր պարտավորությունները և մանրազնին կերպով աշխատում է Բաքվի և Երևանի հետ։ 

Պեսկովը պատասխանել է լրագրողի հարցին, թե արդյո՞ք Կրեմլը համերաշխ է ԱՄՆ պետքարտուղար Էնթոնի Բլինքենի՝ Ադրբեջանի նախագահ Իլհամ Ալիևին ուղղված կոչին՝ Լաչինի միջանցքի անհապաղ վերաբացման ու առևտրային երթևեկության վերականգնման համար։