Այսօր՝ փետրվարի 24-ին, շղթայական ավտովթար է տեղի ունեցել Երևանում։ Ժամը 16։00-ի սահմաններում Մյասնիկյան պողոտայում «Արքայաձոր» ռեստորանային համալիրի հարևանությամբ բախվել է 7 տրանսպորտային միջոց: Այս մասին հայտնում է shamshyan.com-ը։

Ըստ նախնական տեղեկությունների՝ վթարի հետևանքով, բարեբախտաբար, տուժածներ չկան։

Վթարի փաստով Պարեկային ծառայության Երևանի գնդի 3-րդ գումարտակում նյութեր են նախապատրաստվում, որտեղ էլ պարզում են վարորդների, ինչպես նաև դեպքի վայրից հեռացած 2 մեքենաների վարորդների ինքնությունը, որոնք վթարից հետո չսպասելով պարեկներին, հեռացել են։

Վթարի պատճառով երթևեկութունը դարձել է դանդաղընթաց, և խցանումը հասնում է մինչև Աբովյան պուրակ։

1057