ԱՄՆ դեսպանը իր հիացմունքն է հայտնել Հայաստանի հարուստ պատմական ժառանգության և եզակի մշակույթի մասին
Երևան ժամանելուց հետո կարճ ժամանակ անց դեսպան Քվինն այցելել է «Գաֆէսճեան արվեստի կենտրոն»՝ ծանոթանալու հայկական և ժամանակակից արվեստի լավագույն նմուշներին։ Այս մասին հաղորդում է ԱՄՆ դեսպանատունը։
«Դեսպանն իր հիացմունքը հայտնեց Հայաստանի հարուստ պատմական ժառանգության ու եզակի մշակույթի վերաբերյալ։ Նա գովեստով նկատեց հայաստանաբնակների և սփյուռքահայերի համագործակցությունը ինչպես երկրի զարգացման, այնպես էլ մշակութային ժառանգության հանրահռչակման հարցում»,- ասվում է դեսպանատան տարածած հաղորդագրության մեջ։
28 Փետրվար, 2023 15:58
491