ՌԴ ՊՆ-ն արձանագրել է Ադրբեջանի դիվերսիոն խմբի հարձակումն Արցախի ոստիկանության մեքենայի վրա:

Հաղորդագրության մեջ նշվում է, որ 2023 թվականի մարտի 5-ին՝ ժամը 10:00-ին, Դյուքանլար բնակավայրի տարածքում Ադրբեջանի զինված ուժերի զինծառայողները կրակել են Լեռնային Ղարաբաղի իրավապահների ավտոմեքենայի վրա։

«Բախման հետևանքով երեք մարդ զոհվել է, մեքենայում գտնվող մեկ աշխատակից՝ վիրավորվել։ Ադրբեջանական կողմից կորուստները եղել են երկու զոհ, մեկ վիրավոր: Ռուս խաղաղապահների ջանքերով բախումը դադարեցվել է»,- ասվում է Արցախում ՌԴ խաղաղապահ առաքելության տարածած տեղեկագրի մեջ։

Ըստ աղբյուրի՝ փաստի առնչությամբ ռուսական խաղաղապահ զորախմբի հրամանատարությունն ադրբեջանական և հայկական կողմերի հետ հետաքննություն է անցկացնում։

732