Վրացի պատգամավորները խորհրդարանում ծեծկռտուք են սարքել օտարերկրյա գործակալների մասին օրենքի քննարկման ժամանակ

Նիստին «Ժողովրդի ուժեր»-ի անդամ Վիկտոր Ջապարիձեն ֆիզիկական ուժ է կիրառել անկախ պատգամավոր Տարիել Նակաիձեի նկատմամբ։ Վիկտոր Ջապարիձեն խորհրդարանի սեղանին դրված խոսափողով հարվածել է Նակաիձեի մեջքին։ Պատգամավորների միջեւ նաեւ անպարկեշտ բառապաշարով լեզվակռիվ է տեղի ունեցել։

Կռվին ներգրավվել է նաեւ խորհրդարանական մեծամասնության անդամ Լեւան Մգալոբլիշվիլին։

Ներկայումս խորհրդարանում քննարկվում է «Պաշտպանության կոդեքս» նախագիծը, թեեւ դեռ հայտնի չէ, թե որն է եղել ծեծկռտուքի պատճառը։ Ենթադրաբար, վեճը ծագել է «Ժողովրդի ուժեր»-ի նախաձեռնած օրինագծի պատճառով։