ԱՄՆ-ի արևելյան Ռիչմոնդ քաղաքում (Ինդիանա) հրդեհ է բռնկվել պլաստիկի վերամշակման և պահեստավորման գործարանում։ Տեղի է ունեցել թունավոր ծխի ահռելի արտանետում, ավելի քան 2 հազար բնակչի հրահանգվել է տարհանել։ Այս մասին այսօր՝ ապրիլի 12-ին, հայտնել է տեղական Fox 59 հեռուստաալիքը։

Ինդիանա նահանգի ոստիկանությունը հայտնել է, որ հրդեհը բռնկվել է նախկին Hoffco գործարանում, որը փակվել է 2009 թվականին: Ուեյն շրջանի պաշտոնյաները հայտնել են, որ տարհանման հրամանը վերաբերում է հրդեհից մեկ կիլոմետր շառավղով գտնվող բնակիչներին և անհատներին: Այս տարածքից դուրս գտնվողներին խորհուրդ է տրվել փակել պատուհանները և ընտանի կենդանիներին պահել ներսում: