Ըմբշամարտի միջազգային ֆեդերացիան չեղարկել է 2023 թվականին նախատեսված Աշխարհի գավաթի խաղարկությունները, որոնք պետք է կայանային Թեհրանում՝ նոյեմբերի 24-ին և 25-ին ու Քորալվիլում (ԱՄՆ)՝ դեկտեմբերի 9-ին և 10-ին:
Չեղարկելու որոշումը կայացվել է նախաօլիմպիական տարվա ընթացքում նման բարձրակարգ միջոցառումների կազմակերպման հետ կապված մարտահրավերների և բարդությունների մանրակրկիտ քննարկումից և վերլուծությունից հետո: Քանի որ շատ երկրներ կենտրոնացած են իրենց ըմբիշներին 2024 թվականի Փարիզում կայանալիք Օլիմպիական խաղերին նախապատրաստման վրա, 2023 թվականի Աշխարհի գավաթներին չմասնակցելը UWW-ի համար գլխավոր մտահոգությունն էր: Բացի դրանից, Բելգրադում կայանալիք աշխարհի առաջնությունը, որը նախատեսված է անցկացնել 2023 թվականի սեպտեմբերին, լրացուցիչ ճնշում կստեղծի երկրների վրա:
UWW-ն մշտական կապի մեջ է Իրանի և ԱՄՆ-ի ազգային ֆեդերացիաների հետ և այս որոշումը կայացրել է՝ երկու ֆեդերացիաների հետ քննարկումներից հետո։