Այսօր՝ սեպտեմբերի 8-ին, տեղի ունեցավ ՀՀ-ում Ղազախստանի Հանրապետության արտակարգ և լիազոր դեսպան Բոլատ Իմանբաևի և նրա գլխավորած պատվիրակության հետ հանդիպումը։

Քննարկման ընթացքում, ի թիվս այլ հարցերի, անդրադարձանք բարեկամական խմբերի փոխայցելություններին և կողմերի միջև խորհրդարանական դիվանագիտության վերաբերյալ մի շարք մանրամասների։

Բոլատ Իմանբաևն իր հերթին գոհունակությամբ արձանագրեց այն փաստը, որ հայ-ղազախական երկկողմ հարաբերությունները գնալով էլ ավելի են ամրապնդվում՝ նշելով Ղազախստանի կողմից դրական գնահատականը կապված ՀՀ-ում բարեփոխումների քաղաքականության և 2018 թվականից ի վեր կատարված նորարական փոփոխությունները։

358