Ազգային ժողովոը քննարկեց կառավարության կողմից ներակացված ՀՀ աշխատանքային օրենսգրքում փոփոխություններ կատարելու մասին օրենքի նախագիծը երկրորդ ընթերցմամբ և ամբողջությամբ ընդունելու մասին հարցը: Նախագիծը ներկայացրեց ՀՀ աշախտանքի և սոցիալական հարցերի նախարարի տեղակալ Ռուբեն Սարգսյանը:
Նա նշեց, որ նախագիծը հեռավար աշխատանքի մասին է՝ ժամանակակից մեխանիզմներով ապահովել աշխատանքի հարաբերության կարգավորումը: Նա ասաց, որ երկրորդ ընթերցումում կատարվել են փոփոխություններ, որոնք հիմնականում տեխնիկական բնույթի են:
«Որոշ գործատուների կամ աշխատողների համար հստակ չէր սահմանումը հեռավար աշխատանքի ժամանակ պարտականություններ կատարելուց աշխատանքի վայր ներկայանալը կամ վերադառնալը, արդյոք համարվո՞ւմ է գործուղում թե ոչ։ Սահմանել ենք, որ դա գործուղման նման հասկացություն չէ, կիրառելի չէ»,-ասաց նա և նշեց, որ նախագծով սահմանվել է, թե ինչ է ներկայացնում հեռավար աշխատանքը: