Մանկապարտեզի բալիկների սննդի հաշվին մարդիկ որոշել են հարստանալ։ Այս մասին Facebook-ի իր էջում գրել է ԱԺ փոխխոսնակ Հակոբ Արշակյանը՝ անդրադառնալով այսօր ԱԱԾ տարածած հաղորդագրությանը, որ բացահայտվել են նախադպրոցական հաստատություններում առանձնապես խոշոր չափերով հափշտակության դեպքեր:

«Ավելի եղկելի է այն փաստը, որ դա արել են հենց մանկապարտեզների անձնակազմի հետ համագործակցությամբ։

Շնորհակալություն եմ հայտնում իրավապահներին` այս անմարդկային հանցագործության շղթայի բացահայտման համար։

Բոլոր մեղավորները պետք է պատժվեն օրենքի ողջ խստությամբ։

Հ.Գ. Մեղադրյալը համարվում է անմեղ, քանի դեռ նրա մեղքը չի ապացուցվել օրենքով սահմանված կարգով»,- գրել է Արշակյանը:

478