Կանադայի վարչապետ Ջասթին Թրյուդոն հայտարարել է, որ Լեռնային Ղարաբաղում տիրող իրավիճակը շարունակում է չափազանց մտահոգիչ մնալ:
 

Նա նշել է, որ երկու շաբաթ առաջ զրուցել է Հայաստանի վարչապետ Նիկոլ Փաշինյանի, նաև Թուրքիայի նախագահ Ռեջեփ Էրդողանի հետ և պնդել է, որ հարկավոր է առաջ մղել հակամարտության խաղաղ կարգավորումը, հասնել դեէսկալացիայի, հարգել հրադադարը:
 

Թրյուդոն նաև անդրադարձել է Թուրքիային ռազմական սարքավորումների մատակարարումը կասեցնելու որոշմանը՝ նշելով որ ռազմական սարքավորումների մատակարարումը Թուրքիային Կանադան կասեցրել է այն հայտարարություններից հետո, որ դրանք օգտագործել է Ադրբեջանը:

 

276