Կառավարությունն իր այսօրվա՝ փետրվարի 1-ի նիստում որոշեց վրացական համարներով 2648 մեքենայի մաքսային ձևակերպման համար ընդհանուր առմամբ փոխհատուցել 7,532.7 մլն դրամ։

Ավելի վաղ հայտնել էինք, որ պետությունը պարտավորվել է մինչև 2023 թվականի դեկտեմբերի 30-ը ներառյալ սուբսիդավորել մինչև դեկտեմբերի 4-ը ՀՀ ժամանակավոր ներմուծված և մինչև դեկտեմբերի 30-ը մաքսազերծված ավտոմեքենաների մաքսատուրքը մինչև 5 տարվա արտադրության մեքենաների համար 40%-ի, ավելի հին մեքենաների համար` 70%-ի չափով։

Նշվում է, որ ՀՀ կառավարությունը փոխհատուցումները կիրականացնի մինչև 2023-ի դեկտեմբերի 27–ը ներառյալ կատարված գործարքների մասով:

2023 թ դեկտեմբերի 28-ի, 29-ի և 30-ի փոխհատուցումներն իրականացնելու նպատակով անհրաժեշտ է 2024 թ պետական բյուջեով նախատեսել շուրջ 515.6 մլն դրամ:

Մինչ այս պահը փաստացի փոխհատուցվել է 2488 ավտոմեքենայի մասով, իսկ 160 ավտոմեքենայի մասով չի փոխհատուցվել 515.6 մլն դրամ:

385