Ալկոհոլային կախվածության համախտանիշը ծանր քրոնիկ հիվանդություն է:
Բացի կախվածություն առաջացնելու պոտենցիալը, ալկոհոլային խմիչքների հաճախակի գործածումը առաջացնում է գրեթե բոլոր օրգան-համակարգերի ախտահարում։ Առավելապես տուժում են հետևյալ համակարգերը`
Կենտրոնական նյարդային համակարգ
Սրտանոթային համակարգ
Մարսողական համակարգ
Էնդոկրին համակարգ:
Ալկոհոլի չարաշահումն առաջացնում է`
Մարսողական համակարգի լորձաթաղանթի ախատահարում, նաև` ստամոքսի էրոզիա, խոց, քաղցկեղ
Ենթաստամոքսային գեղձի ախտահարում՝ հաճախ անդառնալի ախտաբանական փոփոխություններով
Ճարպային հեպատոզ, ալկոհոլային հեպատիտ և լյարդի ցիրոզ
Սրտանոթային հիվանդություններ՝ սրտի իշեմիկ հիվանդություն, հիպերտոնիկ հիվանդություն՝ մեծացնելով սրտամկանի ինֆարկտի և ինսուլտի հավանականությունը:
Ալկոհոլի չարաշահումից անդառնալիորեն ախտահարվում են գլխուղեղի նյարդային բջիջները, ինչի հետևանքով տուժում են հոգեկան գրեթե բոլոր ֆունկցիաները՝ առաջացնելով հիշողության, ինտելեկտի խանգարումներ` նվազեցնելով մտավոր կարողությունները, նպաստելով կյանքի ընթացքում ձևավորված հմտությունների կորստին, առաջացնելով թուլամտություն և մեծացնելով Ալցհայմերի հիվանդության առաջացման ռիսկերը:
Զե՛րծ մնացեք ալկոհոլային խմիչքների չարաշահումից. այն վտանգավոր է ձեր առողջության և կյանքի համար։
Ալկոհոլային կախվածությունից ձերբազատվելու և խորհրդատվություն ստանալու համար կարող եք դիմել ՀՀ ԱՆ Կախվածությունների բուժման ազգային կենտրոն: