ԱԳ նախարար Արարատ Միրզոյանը ԱԺ մշտական հանձնաժողովների համատեղ նիստում անդրադառնալով «Հայաստան» խմբակցության պատգամավոր Արթուր Խաչատրյանի հարցին, նշեց, որ պատերազմից հետո, երբ ՀՀ իշխանությունները պայմանավորվում էին բանակցել՝ ՀՅԴ մասնակցությամբ ԼՂ խորհրդարանը ծովից ծով Լեռնային Ղարաբաղի մասին բանաձեւեր էր հռչակում։

«Վերջում էլ ամեն ինչ ջրեցիք, ասեցիք՝ այս ղեկավարությունը հանձնողական է, բերեցիք ուրիշ ղեկավարություն, որը երկու օրվա ընթացքում լուծարեց այդ միավորը։ Մեղադրե՞լ եք ուզում, ուրեմն լավ իմացեք՝ Ձեր ուժի անմիջական մասնակցությունը այդ արհավիրքի մեջ շատ ուժեղ, հյութալի, մարմնեղ եւ անշեղելի էր»,- ասաց նա։

Միրզոյանը նաեւ նշեց, որ ԵՄ առաքելության ՀՀ տարածքում տեղակայումից հետո որեւէ մեծ հարձակում, ներխուժում չի եղել։