Քանի որ միջոցառման նախորդ օրը Վեհափառ Հայրապետի կողմից առաջնորդվող շարժման ներկայացուցիչները ակցիա էին արել Սարդարապատի հուշահամալիրում, որպեսզի խափանեն պետական արարողակարգային միջոցառումը, հաջորդ օրը պարզապես պարզաբանում է  ակնկալվել Վեհափառ Հայրապետից, թե արդյոք նույն նպատակով է եկել, թե ոչ: Այս մասին այսօր Ազգային ժողովում կառավարության հետ հարց ու պատասխանի ժամանակ ասաց ՀՀ վարչապետ Նիկոլ Փաշինյանը:

«Երբ որ պարզաբանում է ստացվել, որ ոչ, դրանից հետո հարցը լուծվել և հասցեագրվել է»,- ասաց նա:

Անդրադառնալով ոստիկանության աշխատանքին՝ ՀՀ վարչապետն ասաց. «Ոստիկանությունը ՀՀ-ում պաշտպանում է իրավակարգը, պետական ինստիտուտները, հանրային անվտանգությունը, ուրիշ որևէ մեկնաբանություն պարզապես տեղ չունի»: