Ճապոնիայի վարչապետ Ֆումիո Կիշիդան հուլիսի 10-14-ը կայցելի Գերմանիա եւ ԱՄՆ եւ կմասնակցի ՆԱՏՕ-ի գագաթնաժողովին, որը տեղի կունենա Վաշինգտոնում։ Այս մասին հայտարարել է ինքը՝ Ճապոնիայի կաբինետի ղեկավարը՝ կառավարության և իշխող Լիբերալ-դեմոկրատական կուսակցության ղեկավարության հետ հանդիպմանը։
Ինչպես հայտնում է Kyodo գործակալությունը, Գերմանիայում Կիշիդան նախատեսում է հանդիպում անցկացնել Գերմանիայի կանցլեր Օլաֆ Շոլցի հետ՝ քննարկելու երկկողմ համագործակցությունը, այդ թվում՝ տնտեսական անվտանգության և պաշտպանության ոլորտում։
Վերջին տարիներին Ճապոնիան ակտիվորեն ընդլայնում է համագործակցությունը ՆԱՏՕ-ի հետ։ Կիշիդան արդեն երկու անգամ մասնակցել է դաշինքի գագաթնաժողովներին։ Բրյուսելում ՆԱՏՕ-ի կենտրոնակայանում գործում է Ճապոնիայի մշտական ներկայացուցչությունը։